Victoria de la EI San Martín y ascensu de l'UD Llanera

Nenguna derrota súpo tan bien al Llanera como la d'ayeri n'El Florán. El conxuntu empobináu por José Luis Rodríguez cayó (2-1) ante'l San Martín, pero'l so tropiezu foi inocuo y déxa-y dar el saltu pa tar la próxima temporada na edición fundacional de la Segunda RFEF gracies al tropiezu de L'Entregu ante'l Ceares.

La impotencia énte la remontada de los sotrondinos na segunda metá desaguó n'españíu d'allegría de los xugadores y l'afición del Llanera al comprobar que nel Nuevu Nalón, L'Entregu nun yera capaz de completar el so propósitu de desbancalu de la segunda plaza. Celebrólo l'equipu empobináu por José Luis Rodríguez pa concluyir un cursu inolvidable, nel que tamién s'estrenó na Copa del Rei.

El Llanera apretó dende l'entamu del alcuentru ya inclinó 'l xuegu escontra la portería local. Atropó llegaes a l' área aprovechando la velocidá de Matías y Luis Enrique, ente que los de Chiqui de Paz intentaben responder ensin fortuna al contragolpe.

Los sotrondinos reaccionaron tres el descansu, anque recibieron un golpe nos primeres compases de la continuación. Una internada pola derecha de Matías remátase con un testerazu académicu de Luis Enrique. La Segunda RFEF taba más barganal, anque inda-y tocaría sufrir al equipu empobináu por José Luis Rodríguez . Márquez foi'l revulsivu que lideró la remontada local y restableció les tables al rematar una gran acción personal con un derechazu inalcanzable pa Jandro. Seis minutos más tarde, botó'l córner que Dorian cabeció a la rede.
Magar la derrota , l'UD  Llanera celebró cola afición  sobre'l verde'l merecíu ascensu. Nun faltó l'emotivu tributu a Busta, l' excompañeru fináu'l pasáu añu nun accidente llaboral.