Paséu per Uviéu

Pasiar per Uviéu ye perprestoso pa los sentíos.Caminar ente edificios que recuerden el pasu del tiempu y los homes pela ciudá fundada polos monxos Máximu y Fromestano nel añu 761, según el relatu que se fai de la mesma nel Pactu monásticu de San Vicente . Alfonso II'l Castu convirtiríala en capital del reinu d'Asturies y dende esi momentu, l'encruz de caminos que ye Ovetus protagonizaría la capitalidá económica d'un territoriu que Leopoldo Alas "Clarín" reflexó con maestría na Rexenta . 

Los llevantamientos escontra les tropes franceses, la revolución d'ochobre y la guerra civil fadríen a la ciudá protagonista de la hestoria, como na actualidá cada mes d'ochobre nel qu'afortunadamente, conviértese en Capital de la Cultura cola entrega de los Premios Princesa d'Asturies.

Fachaes, escultures y pavimentos lleven al pasiante por entrañables requexos acompañáu d'arte y hestories,convirtiendo'l so paséu nuna prestosa alcordanza nel qu'afayar a los carbayones, nel doble sentíu de la pallabra, ya inclusive esfrutar con ellos nes prestixoses pasteleríes.