Ruta al nacimientu del ríu Monasteriu en Redes

Nesta ocasión proponemos una pequeña y amañosa ruta dende Brañagallones a la cueva de Valdevezón, llugar onde naz el ríu Monasteriu que, formando pequeños escobios traviesa'l monte del parque de Redes hasta desaguar nel ríu Nalón en Bezanes.

La mayada de Brañagallones atópase a 1225 metros d'altitú en plenu corazón del monte de Redes nun antiguu llagu glaciar colmatáu. Con una estensión de 585 hectárees, ye la más grande ya importante de les 123 mayaes coles que cunta'l conceyu de Casu,el so nome vien del animal más representativu de Redes : l' urogallu.

Pa llegar a Brañagallones lo meyor ye contratar un taxi 4×4 en Bezanes, una vegada ellí aníciase l'ascensu pol Colláu d'Arenes hasta'l Cantu l'Osu (1.793 m) ,onde atopamos unes prestoses vistes : al nornosdés el Tiatordos (1951 m) , escontra'l sur la llarga cresta de la sierra Les Príes y detrás d'ella por tolos llaos una serie de cimes del Cordal Cantábricu, rondando los 2.000 m, ente'l puertu de Tarna y el de San Glorio.

Dende ellí entámase la baxada del Cantu l'Osu escontra la Mayà Cerréu camín de Bezanes.

Mayá Cerréu ye una mayá casina d'estupendes vistas escontra'l valle de Tarna,asitiada nun altu so la sierra de Fuentes, cerca de la Mayá de La Fumiosa.

Terminamos la ruta en Bezanes, onde vemos la desaguada del ríu Monasteriu nel ríu Nalón, del que viéramos la so nacencia.

Bezanes presenta una bona muestra de l'arquitectura tradicional de la zona central d'Asturies, con bonos exemplos de cases con balcones y corredores, amás d'horros y paneres.

Durante l'itinerariu pel parque natural de Redes , atravesamos collaes y montes onde predominen los fayedales ante la mirada d'una fauna xixilante , con buelgues de xabalìs y corzos escondíos al pasu de los senderistes.