Navidá con Al Llau del Llar
Bases llegales del "Sortéu de Llotería NAVIDÁ CON AL LLAU DEL LLAR
Al Llau del Llar entama'l sortéu d'un décimu pa la Llotería de Navidá del 22 d'avientu de 2020 col nome "NAVIDÁ CON AL LLAU DEL LLAR".
El plazu pa participar nel sortéu entama'l 26 de payares y finaliza'l vienres 18 d'avientu a les doce la nueche. Podrá participase namás nesi períodu de tiempu.
Pa participar tendrás qu'unviar un corréu colos datos personales ( nome y apellíos) al corréu: alllaudelllar@hotmail.com solicitando la to participación nel sortéu NAVIDÁ CON AL LLAU DEL LLAR. Namás se tendrá en cuenta un corréu por participante.
Pueden participar nel concursu aquelles persones físiques mayores de 18 años con residencia nel territoriu español.
Acútase'l derechu a efectuar cambeos na campaña mientres el so desenvolvimientu, si se produxera dalguna causa que torgue llevala a bon términu o col fin d'ameyorar la so meyora.
El sortéu tendrá llugar el domingu 20 d'avientu .Va facese un sortéu ente tolos participantes onde se va escoyer un/a únicu/a ganador/a. El/la ganador/a va ser anunciáu oficialmente na páxina web y redes sociales d'Al Llau del Llar, entregando-y el premiu con anterioridá a la fecha na que se produz el sortéu de navidá.
El premiu ye un décimu de la llotería de navidá, númberu 63654 , mercáu nel Buzón de Quinieles Sole de Sotrondio.
A partir de la entrega del premiu (décimu) Al Llau del Llar queda eximíu de cualquier responsabilidá sobre 'l mesmu.
Al Llau del Llar nun se responsabiliza de les posibles perdes, deterioros, robos o cualesquier otra circunstancia imputable a los servicios de mensaxería que puedan afectar a la entrega del premiu.
Los datos suministraos polos participantes van ser trataos confidencialmente y arrexuntaos nun ficheru automatizáu de datos de calter personal, siendo "Al Llau del Llar" titular y responsable de dichu ficheru, coles mires de xestionar la participación de los concursantes y ponese en contactu con ellos.
Al Llau del Llar garantiza'l cumplimientu íntegru de la Llei Orgánica 15/1999, de 13 d'avientu de Protección de Datos de Calter Personal nel tratamientu de los datos personales recoyíos nel concursu "Navidá con Al Llau del LLar", cuantimás no que se refier a l'atención del exerciciu de los derechos d'información, accesu, rectificación, oposición y cancelación de datos personales de los concursantes.
Penalizaciones en casu d'usu fraudulentu
Vamos Entender como fraude l'usu de plataformes o aplicaciones independientes pa consiguir más participaciones nel concursu, al igual que comportamientos que detectemos como aparentemente abusivos y/o malintencionaos.
La constatación de cualesquier d'estes práctiques va suponer la descalificación del concursu, l'anulación de los votos o participaciones que consideremos que llegaron al traviés de víes ensin dexar na campaña.
Al Llau del Llar acútase'l derechu d'entamar acciones xudiciales contra aquelles persones que realicen cualquier tipu d'actu susceptible de ser consideráu como manipulación o falsificación del concursu.
Al Llau del Llar queda eximíu de cualquier responsabilidá por daños y perxuicios que puedan debese a la falta temporal de disponibilidad o de continuidá del funcionamientu de l'aplicación por aciu la que se participa na promoción, a la defraudación de la utilidá que los usuarios pudieren atribuyir a la mesma y al accesu a les distintes páxines y unvíos de respuestes de participación al traviés d'Internet.
Esti concursu nun ta venceyáu a nenguna plataforma o rede social
Facebook , Twitter , Instagram nun patrocinen, respuenden , nin alministren de manera dalguna esta promoción, nin ta acomuñáu a ella. El/la participante ta apurriendo la so información y datos a Al Llau del Llar y non a Facebook , Twitter ni Instagram.
Aceptación de les Bases Llegales
La participación nel concursu implica l'aceptación de los presentes términos y condiciones llegales. Cualquier manifestación de non aceptación de la totalidá o parte de les bases llegales va implicar la esclusión del participante y, de resultes d'ello, Al Llau del Llar llibérase del cumplimientu de la obligación contraida con esti participante.