Nabu d'Oru 2021
El vienres 12 de payares celebróse unu de los actos más emotivos que tienen llugar en Sotrondio, l'actu d'entrega del Nabu d'Oru 2021.
Un actu que s'enmarca dientro de les Fiestes Patronales de San Martín de Tours y Gastronómiques de Los Nabos, que la so fiesta local foi'l 11 de payares.
Pa la entrega del Nabu d'Oru cuntóse cola presencia de representantes de la Sociedá de Festexos San Martín de Tours, conceyales de la corporación de Samartín del Rei Aurelio, encabezaos pola conceyala de cultura, María Alonso y l'alcalde del conceyu José Ángel Fernández "Quirós".
El Nabu d'Oru ye un galardón col que les distintes Sociedaes de Festexos fixeron reconocencia pública a persones, entidaes, asociaciones ya instituciones a lo llargo de la so dilatada hestoria y que nesta ocasión recai nel colectivu de sanitarios que dende l'empiezu de la pandemia tuvo en primer llínea, tolos díes, trabayando y atendiendo a la comunidá vecinal.
En nome del colectivu d'homenaxeaos intervino la responsable d'enfermería del Centru Salú de Sotrondio, Margarita Fernández García.
Peslló l'actu la Coral San Martín de Sotrondio con dellos cantares colos que se clausuró l'actu d'entrega del Nabu d'Oru 2021
