XXXIX Selmana de les Lletres Asturianes

XXXIX Selmana de les Lletres Asturianes

Esti añu la XXXIX edición de la Selmana de les Lletres Asturianes da protagonismu a la lliteratura infantil y xuvenil.

Hasta'l 8 de mayu les actividaes de la 39 edición de la Selmana de les Lletres Asturianes van reconocer la creación lliteraria y musical n'asturianu y gallego-asturianu. Con un programa d'actividaes bien completu, la Conseyería d'Educación y Cultura quixo homenaxar d'esta vuelta'l papel de la lliteratura infantil y xuvenil nel conxuntu de la lliteratura asturiana, cola mira de que los llectores más mozos s'averen al exerciciu de la llectura y disfrute de la creación artística.

Más d'una ventena d'actividaes incorporáronse al programa diseñáu pa la ocasión: talleres, esposiciones, homenaxes, presentaciones de llibros, llectures públiques, certámenes lliterarios, alcuentros escolares, entregues de premios, visites guiaes, conciertos, representaciones teatrales...