XXXIX Día de les Lletres Asturianes

El próximu vienres, día 4 de mayu, a les 20,30 hores, nel Teatru Campoamor d'Uviéu, va celebrase'l XXXIX Día de les Lletres Asturianes.

Nesta Xunta Estraordinaria, daráse acoyida a les dos nueves académiques correspondientes de la Institución la Dra. Margarita Fernández Mier y la Dra. Isabel Hevia Artime, profesores de la Universidá d'Uviéu.

- Margarita Fernández Mier (Uviéu, 1966) ye doctora n'Historia y Profesora Titular del Departamentu d'Historia de la Universidá d'Uviéu. -

Isabel Hevia Artime (Antromero, 1982) ye doctora en Pedagoxía y profesora del Departamentu de Ciencies de la Educación de la Universidá d'Uviéu, del que ye, amás, Secretaria.

Esta Xunta Estraordinaria de l'Academia de la Llingua Asturiana finará col discursu institucional del presidente, D. Xosé Antón González Riaño.

L'actu, presentáu por Sonia Avellaneda y Próspero Morán, cuntará con un entamu musical a cargu del gaiteru Fabián Fernández y tendrá como pieslle l'actuación del cantautor asturianu Nacho Vegas que, xunto col coru "Al altu la lleva", faerá un percorríu pol so reportoriu de música asturiana y n'asturianu.