XXX Día de la Canción y el Folklor en Samartín del Rei Aurelio

Samartín del Rei Aurelio celebra la trixésima edición del "Día de la Canción y el Folklor", esti vienres 29 de payares, a les 18,30 hores, nel Teatru Municipal, en L'Entregu, empobináu pola Asociación de la Canción y el Folklor del Valle del Nalón, dientro les actividaes de les Fiestes Gastronómiques de Les Cebolles Rellenes, declaraes d' Interés Turísticu Rexonal.

El festival, presentáu pol componente de Radio Samartín  Lluis Alberto Martín Ardines, cuntará coles actuaciones de Pilar Barreñada Montes, Arturo Cortina Fernández, Damián Blanco Carrio, José Manuel Collado Vidal y Eloy López Cuello; xunto a los monologuistes Xosé Nel, José Manuel Pandiella y Nel del Soto, el gaiteru Ramón García y el tamborileru Belarmino González.

Durante la celebración de la xornada fadrase homenaxe al monologuista Marcelino Díaz Losada de L'Entregu y al tamborileru Buernerges "El Roxu", de La Rebollá.