XXIII CERTAME DE PINTURA NICANOR PIÑOLE

CERTAME DE PINTURA NICANOR PIÑOLE. CATEGORÍA LLIBRE.

BASES

1ª.- Convócase'l XXIII Certame de Pintura "NICANOR PIÑOLE/2018".
2ª.- Cada autor va poder presentar un máximu de dos obres de técnica y tema llibre.
3ª.- El tamañu de los cuadros nun va poder pasar de 120 x 100 cm., escepcionalmente, la Comisión Organizadora va poder almitir obres que difieran moderadamente de les midíes señalaes.
4ª.- Cada obra va poder llevar nel so parte posterior una reseña na que figure datos d'identificación, fecha y llugar de nacencia del autor, títulu, dimensiones y técnica de la obra.
5ª.- Les obres tendrán de ser orixinales ya inédites nesti Certame.
6ª.- Establézse un únicu premiu dotáu con 1.500 € al que se va aplicar la retención del I.R.P.F. correspondiente.
7ª.- El Premiu va poder ser declaráu desiertu pol xuráu.
8ª.- El xuráu va poder establecer los accésit que crea convenientes.
9ª.- La obra premiada va quedar en propiedá del Conceyu de Samartín del Rei Aurelio, que fadrá d'ella l' usu posterior.
10ª.- El Xuráu va tar integráu por personalidaes de la cultura del Principáu d'Asturies
11ª.- El fallu del xuráu va ser inapellable.
12ª.- El Plazu de recepción de les obres va ser del 2 al 18 de mayu de 2018, dambos inclusive, en díes llaborables de les 16,00 a les 20,30 hores, y va facese na Casa la Xuventú de Samartín del Rei Aurelio en Sotrondio, Paséu San Martín nº 30, 33950 Sotrondio.
13ª.- Con toles obres escoyíes va montase una esposición na Casa la Xuventú de Samartín del Rei Aurelio, Sotrondio, inaugurándose'l día 30 de mayu a les 18,00 hores y calteniéndose abierta hasta'l día 15 de xunu, que va tener llugar l'actu de clausura y entrega de premios, a les 18,00 hores na Aula Cultural "La Plaza", Sotrondio.
14ª.- Rematada la esposición, los artistes tendrán de retirar les sos obres nel plazu de 20 díes, pasaos los cualos la Comisión Organizadora nun se considera custodia de les mesmes. Pa recoyer los cuadros, va haber que presentar el recibu expedíu nel momentu de la inscripción.
15ª.- La Comisión Organizadora curiará con percuru de les obres que se presenten al Certame, pero nun se fai responsable de los daños que por fuerza pudieren sufrir.
16ª. La participación nel Certame implica l'aceptación de les presentes bases, quedando'l xuráu facultáu para dirimir cualesquier eventualidá ensin prever nelles.
17ª.- La Comisión Organizadora va ufiertar a los medios de comunicación social información del desenvolvimientu del Certame y demás actos que se dispongan a él.