XXI Festival de Música Antigua

El Festival de Música Antigua de Xixón  algama anguaño la so XXI edición calteniendo como oxetivos principales la cobertoria d'un públicu ampliu con un perfil variáu, atendiendo a profesionales y aficionaos; estudiantes ya intérpretes; mozos y mayores; colectivos con capacidaes diverses... tamién se trata de reflexar l'apertura de la realidá actual tocantes a la forma d'entender la música antigua: dende l'atención a la interpretación históricamente documentada y a la investigación musicolóxica, a la esperimentación multidisciplinar y a la hibridación con otros llinguaxes musicales. A lo último, otru de los valores destacaos del festival ye'l sofitu y la presencia del trabayu realizáu polos artistes y docentes nacionales, que gocien cada vez d'un mayor prestixu dientro del ámbitu de la música antigua.
La programación del festival d'anguaño, que va tener llugar del 8 al 15 de xunetu, estructurase en 6 bloques principales que reafirma al festival como un eventu únicu n'Asturies, más allá d'un ciclu de conciertos o un conxuntu de cursos: conciertos / cursos y talleres / concursu internacional / peque festival antiqvo / charres y alcuentros / antiqvo rural.