Xosé Antón González Riaño reelexíu como Presidente de l’Academia de la Llingua Asturiana

Esti xueves 24 de xunu de 2021, día de San xuan, l'Academia de la Llingua Asturiana fizo'l procesu eleutoral en xunta estraordinaria y darréu d'ello salió escoyíu como Presidente Xosé Antón González Riaño , a quien acompañen nesti nuevu mandatu:

-Vicepresidenta: Marta Mori d'Arriba.

-Secretariu: Xosé Ramón Iglesias Cueva.

-Vicesecretaria: Carme Muñiz Cachón.

-Ayalgueru: Carlos Lastra López.

Con esti segundu mandatu, la direición quier dar anuncia de que va siguir col llabor desendolcáu hasta agora nos ámbitos sociales y de normativización del idioma, al empar que trabayará fondamente por siguir nuna xera qu'ha empobinar, ensin dulda, hacia'l llogru de la oficialidá de la llingua hestórica de tolos asturianos y asturianes.