Visites al Muséu Arqueolóxicu n'asturianu

Esti sábadu Al Llau del Llar participó na visita guiada n'asturianu al Muséu Arqueolóxicu d'Asturies que baxo'l títulu "L'Oru de los Ástures" fixo un entreteníu percorríu pela hestoria d'Asturies na dómina castrense y romana, descubriendo formes de vida, costumes, pensamientu y dellos oxetos de los astures.

A esta actividá entamada pola Conseyería d'Educación y Cultura y el Muséu Arqueolóxicu d'Asturies sumóse l'Ilte. Ayuntamientu de Samartín del Rei Aurelio qu'organizó una escursión pa desplazase a Uviéu.

Les visites guiaes n'asturianu son de bladre y desarróllense al meudía , la próxima será sobre l'Asturies Medieval, la xente interesao en participar  ha d'acutar plaza nel númberu de teléfonu 985.10.67.41