VI Gran Conciertu d' Ayuda n' Acción con Pablo Heras-Casado

Esti llunes 19 d'ochobre a les 20:00 hores en streaming retresmítese'l VI Gran Conciertu Solidariu que tendrá llugar a esa mesma hora nel Teatru Real de Madrid.

El director d' orquesta Pablo Heras-Casado, embaxador solidariu d'Ayuda n'Acción, ponse al mandu de la iniciativa Acordes con Solidaridá per sestu añu consecutivu pa sofitar a la infancia más vulnerable n'España frente a les consecuencies de la COVID-19.
Nesta ocasión, la Orquesta Sinfónica de Madrid dirixía pol principal director convidáu del Teatru Real, va interpretar la Obertura Coriolano y la Sinfonía nº7, de Ludwig van Beethoven.
La recaldación del conciertu va dir íntegramente a la rempuesta qu'Ayuda n'Acción ta dando a la emerxencia provocada pola COVID-19 n'España. Al traviés del programa Equí tamién, la ONG llucha por amenorgar la brecha educativa que s'acentuó tres el peslle de los centros educativos el pasáu cursu escolar, sofitando a más de 11000 neños, neñes y adolescentes que s'atopen en riesgu d'esclusión social n'España.
Acordes con solidaridá tamién va poder siguise en directu, vía streaming y pa collaborar puedes mercar la to entrada en My Opera Player. Calcando na imaxen tienes más información y l'enllaz al conciertu.
Tamién puedes collaborar al traviés de la fila 0 que s'habilitó pa donativos nel númberu de cuenta ES55 0049 0001 58 2911863843.