VI Festival de Cine LGTBI nel Centru Niemeyer
Ente 'l 20 y 27 de xunu'l Centru Niemeyer acoyerá la sesta edición del Festival de Cine LGTBI. Esti añu vien marcáu pola amplia presencia internacional del festival, que llegará a 19 países de fala hispana, así como pola novedá d'un formatu semipresencial al traviés de dos plataformes dixitales, lo que permitirá llevar los conteníos del festival a miles de persones más allá de les fronteres asturianes.
La sección oficial de llargumetraxes cuntará con ocho películes (cuatro del continente americanu, tres europees y una asiática) :
1. Sexo y revolución, d' Ernesto Ardito. Argentina, 2021. ESTRENU internacional. Película inaugural. Domingu 20 nel Auditoriu y díes 21 y 22 en Filmin.
2. Si c'etait de l'amour, de Patric Chiha. Francia, 2020. Llunes 21 nel Auditoriu y díes 21 y 22 en Filmin.
3. Sus madres, d' Asia Dér y Sara Haragonics. Hungría, 2020. Martes 22 nel Auditoriu y díes 22 y 23 en Filmin.
4. No hard feelings, de Faraz Shariat y Paulina Lorenz. Alemania, 2020. Miércoles 23 nel Auditoriu y díes 23 y 24 en Filmin.
5. Cosas que no hacemos, de Bruno Santamaría. México, 2020. Xueves 24 nel Auditoriu y díes 24 y 25 en Filmin.
6. Saint-Narcisse, de Bruce LaBruce y Martin Girard. Canadá, 2021. Vienres 25 nel Auditoriu y díes 25 y 26 en Filmin.
7. Suk Suk, de Ray Yeung. Hong Kong, 2019. Sábadu 26 nel Auditoriu y díes 26 y 27 en Filmin.
8. La nave del olvido, de Nicol Ruiz Benavides. Chile, 2020. Película de clausura. Domingu 27 nel Auditoriu y díes 26 y 27 en Filmin.
Toles películes proyectaránse a les 20:00 hores en versión orixinal subtitulada al español.
Per otra parte, la nueva Sección Oficial de Curtiumetraxes, que s' estrena nesta edición, céntrase na producción audiovisual española reciente al traviés de diez obres que podrán vese presencialmente nel Auditoriu del Centru Niemeyer a lo llargo de dos díes.
Vienres 25 a les 20:00 hores. Sección Oficial de Curtios I:
- Fernández pratsch, d'Emiliano Spampinato. España, 2020.
- Lo efímero, de Jorge Muriel. España, 2020.
- Mi arma, de Jesús Pascual. España, 2019.
- Marcus, de Fernando Lorenzana. España, 2016.
- El rey de las flores, d' Alberto Velasco. España, 2021.
Sábadu 26 a les 20:00 hores. Sección Oficial de Curtios II:
- Por donde pasa el silencio, de Pablo Rivas. España, 2020.
- Hemen, Gaur, Berriz, d' Aitor Gametxo y Jorge Gil. España, 2020.
- Victoria, d' Afioco y Clara Amechazurra. España, 2019.
- Nulíparas, de Fabia Castro y Usue Álvarez. España, 2020.
- Ciruela de agua dulce, de Roberto F. Canuto y Xu Xiaoxi. España/China, 2017.
Estos curtiumetraxes llegarán a 19 países de fala hispana y podrán vese del 20 de xunu al 4 de xunetu al traviés de la plataforma online Festhome gracies al patrociniu de l' Axencia Española de Cooperación Internacional pal Desarrollu (AECID), una entidá adscrita al Ministeriu d' Asuntos Esteriores, Xunión Europea y Cooperación. Estes producciones son frutu de la selección fecha pola rede de "Festivales LGTBI Amigos", una plataforma informal de festivales de cine LGTBI que tienen llugar n' España, que mantienen ente sí una estrecha relación de collaboración y de la que forma parte 'l Centru Niemeyer.
Los 19 países nos que se podrán ver estos cortos son: Argentina, Uruguay, Chile, Paraguay, Bolivia, Perú, República Dominicana, Costa Rica, Honduras, El Salvador, México, Guinea Ecuatorial, Panamá, Nicaragua, Guatemala, Venezuela, Colombia, Ecuador y Cuba.
Como ye habitual nel Festival de Cine LGTBI del Centru Niemeyer, la programación abarca otres manifestaciones como la teatral. Esta sesta edición cuntará cola representación de la obra Puños de harina, que llegará al Auditoriu'l sábadu 19 a les 20:00 gracies a la collaboración cola Fundación Secretariáu Xitanu d' Asturies.
Puños de harina plantega una reflexón sobro la violencia, la masculinidá, el racismu y la homofobia y fáelo al traviés d'un espectáculu que presenta dos histories con dos personaxes rellacionaos col mundu del boxéu y la cultura xitana: per un sitiu, la hestoria real de Rukeli, el boxeador xitanu que desafíu a Hitler; por otru, la de Saúl, un mozu xitanu que, na España rural de los 80, busca la so identidá y enfréntase a la so familia.
La obra pon n'escena la hestoria de dambos personaxes y ye tamién la hestoria de cómo dellos homes esfórciense por encaxar nel conceutu ideal de "ser un home de verdá", arrodiaos por un contestu que los refuga pola so etnia, la so cultura o la so orientación sexual.
Jesús Torres ye l'autor del testu ,director ya intérprete d'esta obra producida por El Aedo Teatro que cunta tamién coles voces en off d'Eva Rodríguez, Antonio M. M. y David Sánchez Calvo.