Valentín Vega. La vida per delantre, 1941 – 1951

El Museu del Pueblu d'Asturies alluga una rica colección de fotografíes qu'ufierta un inigualable percorríu pola hestoria de la nuesa sociedá a lo llargo de tol sieglu XX. Unu de los archivos fotográficos que curia ye'l de Valentín Vega (1912-1997), un fotógrafu de cai, "por necesidá", que trabayó na cuenca minera asturiana ente 1941 y 1951. Treslladábase en bicicleta o en tren, y cola so cámara Leica retrató la vida caleyera cotidiana. Poques escenes de la vida d'aquel tiempu escaparon al so oxetivu:obres, escueles, campusantos, chigres, mines, fontes, teyeres, mercaos,estaciones de ferrocarril, romeríes... Persones de clase media y baxa, sobremanera neños y neñes, a les qu'intentaba arrincar una sorrisa nuna dómina na que'l país nun taba pa munches allegríes. Nuna dómina dura, pero na que nun faltó l'optimismu de quienes teníen la vida per delantre. Y naide captó esa sorrisa, blancu sobro negru, como Valentín Vega.

Centru de Cultura Antiguu Institutu. Sala 2. Del 11 de xineru al 11 de febreru