Una oportunidá pa lleer a Tintín con motivu del Día Internacional de los Vuelos Espaciales Tripulaos esti 12 d'abril

El 12 d'abril de 1961 Yuri Gagarin foi'l primer humanu en salir al espaciu esterior.
Unos años antes, en 1954, Tintín foi'l primeru en pasiar pela lluna

Zephyrum/Trilita asoleyó dos nueves hestories de Tintín n'asturianu, el cómic d' Hergé tornáu al asturianu por María Xosé Rodríguez López y correxíu por Xesús González Rato.

Tintín, acompañáu de Milú, y el capitán Haddock acuden al castiellu de Moulinsart depués de la so aventura última. Ehí entérense de que Fortunio Mirasol acudió a Syldavia y desplácense, a pidimientu d'él, a esti reinu. Ta ehí trabayando na construcción d'un cohete pa viaxar a la Lluna, pero hai sospeches d'un complot.