The Plants Sense . Un proyectu interactivu de María Castellanos y Alberto Valverde

The Plants Sense (2018) ye una istalación que permite al públicu, al traviés d' un traxe-interfaz intelixente, conocer y esperimentar el linguaxe secretu de les plantes. Trátase d' un trabayu de cálter tresdisciplinar que coneuta arte, ciencia, teunoloxía y sociedá.

La obra ta formada por un xardín interactivu nel que diferentes sensores miden les oscilaciones llétriques de les plantes conectaes, y muestren les sos reacciones bioquímiques a la presencia humana y l' ambiente que les arrodia.
Toa esta información ye procesada y traducía en vibraciones y soníos de baxa frecuencia que propicien la perceición de les plantes al traviés d'un wearable. Asina mesmo estremaos interfaces dispuestos nel xardín faciliten al públicu esperimentar y sentir nes sos propies manes les reaiciones rexistraes de les plantes, al traviés d'estremaos dispositivos lletrónicos.

Esta interaición fae posible la comunicación ente los humanos y les plantes, llegando así al entendimientu del llinguaxe vexetal, inalcanzable ensin l' ayuda de los sistemes robóticos desarrollaos polos artistes.

Esti dispositivu traduz y tresmite precisamente aquelles señales que los seres humanos, debío al nuesu llimitáu sistema perceptivu, nun podemos recibir d' otra manera.

Esta ye una muestra fecha por María Castellanos y Alberto Valverde col apoyu del proyeutu VERTIGO como parte del programa STARTS de la Comisión Europea, basáu n' elementos teunolóxicos de florarobotica, col apoyu de LABoral y podrá visitase ente'l 12 de xunu y 22 de setiembre.