Tercera Xornada Concursu de Canción Asturiana de SRA
La tercera xornada Clasificatoria del XXII Concursu de Canción Asturiana de Samartín del Rei Aurelio celebróse 'l 24 de xineru de 2020 nel Aula Cultural La Plaza de Sotrondio,organizada pola Asociación de la Canción y el Folklor de Samartín del Rei Aurelio col patrociniu del Ayuntamientu de Samartín del Rei Aurelio, Caja Rural de Asturias, SOMA-FITAG y la collaboración de Radio San Martín y La Nueva España
Esta cuarta xornada entamó con una muñeira a la gaita de Ramón García, el gaiteru oficial, que tamién peslló l'actu con "La cruz de mayo" .
Luis Alberto M. Ardines, radiofonista en Radio San Martín y presentador del certamen, foi dando pasu na categoría absoluta a Marina López Toraño, d' Uxo, que cantó "Adiós conceyu Quirós" y "En el roncón traigo Asturias". Ricardo Balmori Suero, de Cabrales, interpretó "Vite baxar pel monte" y "Cuando oigo sonar la gaita".
Gerardo Menéndez Fernández, de Degaña, interpretó "Del altu la Collaona" y "Caminito del puertu", tamién participó nel premiu especial con "Torna la gocha" acompañáu a los teclaos pol maestru David López.
Rubén Barredo Fernández, de Villaviciosa, interpretó "Facer un horru" y "Per debaxo del puente". Ángel Fernández Morán, del conceyu d' Ayer cantó "Voi vender toles vaques" y "La carretera'l Pedrosu". José Tronco Valle, de Cangas del Narcea, interpretó "Cuando yo llindaba cabres" y "Nel altu del puertu Ventana", y "El cielo ye pal mineru" nel apartáu de canción minera.
N' aficionaoos, Roberto Pérez Blanco, de Xixón, interpretó "Cuatro chavales de Ceares" y a la gaita "El gaiteru", xunto con "Si oyes cantar los mineros",nel apartáu de canción minera. Virgilio Pato Prada, de Quirós, cantó "Algún día tuve yo" y "Langreo se queda triste", a la gaita. Na categoría infantil, Irene Álvarez Hevia, de Llaviana, cantó dos temes autoacompañada nel primeru con un panderu y nel segundu coles palmes.
José Martínez Álvarez, de Grao interpretó "Non puedo subir al puertu", col acompañamientu al pianu de David López, y "Piqué al candao". Salvador Ondó Bibano, campeón escanciador residente en Xixón, interpretó "Cuando vienes d'arrendar" y "La cabraliega". Javier García Alonso, de Llangréu, cantó acompañáu a la gaita por Ramón García "Dicen que tú y yo, morena" y "En tola quintana". José Antonio Vázquez, de L'Entregu cantó "Baxando yo pela aldea" y "Pa castañes, Tremañes".