Teatro Trama con TENGO UN MILLÓN en L'Entregu

El Teatru Municipal acueye'l sábadu 22 de setiembre, a les 20 hores, la representación de la obra Tengo un millón, a cargu del grupu Teatru Trama, nel marcu de la V Muestra de Teatru Cómicu de San Martín del Rei Aurelio, que cunta cola collaboración de Feteas.
Trátase d' un montaxe contemporaneu y traxicómico, el so tema escurre ente realidá, ilusiones y suaños d'un matrimoniu con escasos recursos y una raciella lladronzuelos de males artes.
La trama consiste nuna intriga que raspia lo policiaco. Ye un xuegu de contrastes ente l'apariencia humorística del intre de la obra y la realidá intima, fondamente seria.El protagonista, por una puntual casualidá, vese somorguiáu nuna acción inusual de la so propia conducta, dando pie a que tola trama progrese dinámicamente nun tonu vodevilescu con entraes, escondites y salíes de los restantes picaros personaxes. Les insensateces de toos ellos fáen-y reaccionar, saliendo del so plasmu y consiguiendo con aplomu: asitiar a caún nel so sitiu, caltener la so honradez, anovar la so vida de pareya y asitiar al públicu en tou momentu, nuna situación risondera que ri, ensin esmolecese d'onde vienen o a ónde van los susodichos individuos, y fai-y al tiempu escaecer la moralexa y la lóxica de la trama que nos dexa .