Sylvia A. Earle, Premiu Princesa d'Asturies de la Concordia 2018

Sylvia A. Earle, Premiu Princesa d'Asturies de la Concordia 2018, va visitar el Faru de San Xuan de Nieva esti miércoles 17 d'ochobre, a les 18.30 hores.

Sylvia A. Earle va recibir esplicaciones sobre'l Cañón d'Avilés, un gran valle submarín allugáu a quince kilómetros de la mariña asturiana y que s'estiende ente Avilés y Navia. El Cañón d'Avilés atópase dientro de la llista de llugares d'importancia comuñal de la Rede Natura 2000 de los espacios marinos y ye consideráu pol Institutu Español de Oceonografía unu de los ecosistemes más estraordinarios dende'l puntu de vista xeolóxicu y faunísticu.

Tres la visita, Sylvia A. Earle va participar nun alcuentru col públicu nel Teatru Palacio Valdés d'Avilés, a les 19.30 hores. Mientres l'actu repasará la trayectoria de la galardonada na esploración ya investigación de los fondos marinos y el caltenimientu de los océanos. L'actu va tar moderáu por José Manuel Ricu Ordás, decanu de la Facultá de Bioloxía de la Universidá d'Uviéu.