Son del tardíu, de Lourdes Álvarez. Un llibru al llau.
14.02.2021
Esta selmana presentamos n'Un llibru al llau 'l poemariu Son del tardíu de Lourdes Álvarez asoleyáu'l 26 de xunetu de 2006 pola Academia de la Llingua asturiana
Lourdes Álvarez nació en L'Agüeria d'Urbiés , llicenciada en Filoloxía Hispánica pola Universidá d'Uviéu, ye una de les meyores voces de la poesía asturiana del Surdimientu. Autora de voz única y singular, la so obra ta caracterizada pol so calter simbolista y pola so riqueza n'imaxes astractes.
Ta incluyida en toles antoloxíes poétiques asturianes de los últimos años, como por casu: "Antoloxía poética del Resurdimientu" de Xosé Bolado o "Les muyeres y los díes de la poesía asturiana contemporanea" de Leopoldo Sánchez Torre.
Consigue un exemplar de Son del tardíu participando nel sortéu d'Un llibru al llau unviando un corréu antes del vienres 19 de febreru a les 23:50 hores a : alllaudelllar@hotmail.com.
Collaboren : Academia de la Llingua Asturiana y Ayuntamientu de Samartín del Rei Aurelio.