Sexualidades nel Centru Niemeyer
Del 3 al 28 d'ochobre pue vese la esposición SEXUALIDADES nel Centru Niemeyer d'Avilés.
Sexualidaes ye una esposición pa socializar conocencies y sensibilizar sobro la igualdá y el respetu a la diversidá sexual. Al traviés de distintos proyectos artísticos, se promueven los bonos tratos y el placer nes relaciones, de la que se promueve la salú y la prevención de la violencia de xéneru. A lo último, preténdese tamién favorecer la participación xuvenil con obres de mozos d'hasta 30 años, escoyíes por aciu una convocatoria pública. A última hora, pretende educase en sexualidaes y visibilizar l'arte asturiano con una mirada a la creación artística contemporánea más comprometida en formes y técniques variaes.
Formen la muestra les obres: 'Somos naturaleza' de la ilustradora María Ortiz, 'Sonoridad' y 'No estamos locas, somos cíclicas', pieza y montaxe fotográficu de Paula de Anta, 'V de vagina' de la ilustradora Ana Q. 'Ligas desencadenadas' de Judith Martínez, que xune ilustración sobro fotografía, 'Mujer fatal y muestrario de pezones', que robla Paula Fernández y la fotografía 'No somos Francesca Woodman' d' Amarantia Gala.
Completen esta ufierta artística Alonso Blanco col montaxe fotográficu 'Ciños' y Pablo López col dibuxu dixital 'Love dancie'. Tolos participantes y les sos creaciones fueron escoyíos por aciu d'una convocatoria fecha'l pasáu mes de marzu pa ceadores d'hasta trenta años.
Además esti proyectu artísticu cuenta cola collaboración d'autores como Rodrigo Cueves, Mariajo Baudot o l'escritor Roy Galán, ente otros.
Esta esposición ta promovida pol Gobiernu del Principáu d'Asturies (al traviés de les sos conseyeríes de Presidencia y Participación Ciudadana, Sanidá y Educación y Cultura) y el Conseyu de la Mocedá del Principáu d Asturies. Amás, cuenta cola collaboración de: Llaboral Centru d'Arte y Creación Industrial, Centru Niemeyer, Escuela Superior d'Arte d'Asturies, Escuela d'Arte d'Uviéu, CIFP CISLAN y la Secreataría d'Estáu d'Igualdá y la Delegación del Gobiernu pa la Violencia de Xéneru del Ministeriu de la Presidencia, Relaciones coles Cortes ya Igualdá del Gobiernu d'España.