Sesta Xornada Clasificatoria del XXII Concursu Canción Asturiana de SRA
Celebróse la última xornada de la fase clasificatoria nel Aula Cultural "La Plaza" de Sotrondio 'l pasáu 14 de febreru cola participación de dieciocho concursantes nes diferentes categoríes.
Abrieron y pesllaron esta xornada'l tambor de Belarmino González y la gaita de Ramón García, gaiteru oficial del concursu y la presentación fízola 'l compañeru de Radio San Martín Lluis Alberto Martín Ardines.
Na categoría infantil, Pablo Menéndez Oviedo, de Sotrondio, interpretó "Soi mineru llangreanu" y "La mariñana ; la moscona Marina Carbajosa González cantó "Debaxo d'una panera" y "Onde yo me pueda dir"; Lucía Díaz Rodríguez , de Llaviana, interpretó "Al pasar pol puertu" y "Nel roncón traigo Asturies".
En menores de 18 años, la xijonesa Vanesa Seña Chaves cantó a la gaita "Ya se van los segadores" y "El pescador asturianu"; la moscona Elvira Fernández González interpretó "Toca la gaita, gaiteru" y "La carbonera"; Ainoha Fernández, de Blimea, cantó "Soi de Pravia" a la gaita y "Arboleda bien plantada" .
N' aficionaos, José Sánchez Sánchez, de Panes, interpretó acompañáu pola gaita "L'aire m'apagó la vela" y "Adiós puente de Cayés"; Antonio González González, de Cangues d' Onís, interpretó "Pincheme con una espina" y "Los gües de Xuana". El cabraliegu Pedro Soverado Corao cantó "Soi pastor" y "De xunto a Pravia" ; la xixonesa Andrea Méndez Martínez, interpretó a la gaita "Aquellos gües" y "Oscureciome nel monte".
Na categoría absoluta, Manuel Roza Llera, de Colunga, interpretó "Que vas al Cristu" y "Ú vas tan céu" a la gaita, además de "Viva la Cuenca Minera"; el parragués Isaac Sierra Longo participó con "Los xatiquinos" y "A to ventana" a la gaita; el sierense Carlos Velasco Montes interpretó "Caminito del puertu", "Tengo de subir al puertu" y "Cantando al son del carbón" nel apartáu de canción minera; Jesús Alonso González, de Sotrondio, interpretó "La vaca pinta" y "El puente de Soto'l Barcu"; Cristina Sánchez Sánchez, de Panes, cantó "La cabraliega" y "Adiós al valle de Viango", les dos a la gaita; la xixonesa Mª Luisa Martínez Suárez interpretó "Esa saya colorada" y "Caminito de la montaña" a la gaita; la piloñesa Ángeles Quero García cantó "Dónde vas madrugadora" y "Sácalo col garabatu", les dos a la gaita ; la xixonesa Mª Aurora Platas Yáñez cantó "Hermosa villa de Mieres" a la gaita y "Sentí cantar a un malvís".