Semeyes d' Asturies de Ruth M. Anderson pa la Hispanic Society of America, 1925

Hasta'l 20 de Xineru de 2019 puede vese nel Muséu Casa Natal de Xovellanos y na Sala 2 del Centru de Cultura Antiguu Institutu de Xixón la esposición " Hallazgo de lo Ignorado. Fotografías de Asturias de Ruth M. Anderson para la Hispanic Society of America, 1925 ".

The Hispanic Society of America fúndase en 1904 na ciudá de Nueva York como una biblioteca y un muséu dedicaos a la cultura española. Como parte de la colección, Huntington quixo axuntar un archivu fotográficu y con esi propósitu unvió a delles de les conservadores y fotógrafes de la plantiya a facer campañes fotográfiques per España. Una de les más esitoses y prolífiques foi la d' Anderson que viaxaría por toa España ente 1923 y 1930.

Dalgunes de les semeyes más guapes fízoles n'Asturies, onde volvió centrase nos aspeutos propios de la rexón, como'l so paisaxe, los trabayos, l'artesanía, los mercaos, les fiestes, el traxe, etc. Una selección d'estes fotografíes componen la esposición "Hallazgo de lo Ignorado ,Fotografíes d'Asturies de Ruth M. Anderson pa la HispanicSociety of America, 1925." que puede vese na Sala 2 del CCAI y nel Muséu Casa Natal de Xovellanos.

Esposición entamada por The Hispanic Society of America en collaboración col Muséu del Pueblu d'Asturies y el Muséu Casa Natal de Xovellanos de la Fundación Municipal de Cultura, Educacióny Universidá Popular de Xixón.

Hai un programa de visites comentaes, la entrada ye llibre y gratuita, previa inscripción en : info.museojovellanosgijon.es. Les visites empecipien a les 19.00h nel Muséu Casa Natal de Xovellanos y van siguir a les 19.30h na Sala 2 del CCAI y tendrán llugar los díes 18 d'agostu y 22 de setiembre.