Selmana Negra de Xixón 2020

Hasta'l 12 de xunetu ta celebrándose en Xixón la XXXIII edición de la Selmana Negra , una edición que rinde homenaxe al escritor Luis Sepúlveda, fináu precisamente pol mesmu coronavirus que condiciona'l desenvolvimientu d'esta y otres actividaes del branu.

Una selmana negra distinta, como distinta ta siendo la nueva realidá na qu'atopamos y na que la lliteratura y les actividaes culturales son protagonistes na so programación.

El Centru de Cultura Antiguu Institutu ta siendo la sede de les presentaciones (físiques o telemátiques), charres, conciertos y esposiciones, mientres que na cai Tomás y Valiente atópase la feria del llibru.

A lo llargo d'estos díes participarán más d'un centenar d'escritores y cineastes, nel programa de güei Martes 7 de xunetu a les 18 hores va tener llugar la mesa redonda "De Gramsci a Mandel: marxismu y novela negra", con Alejandro M. Gallo, Juan Madrid y Ramón del Castillo. Una hora más tarde va presentase "La tiranía ensin tiranos", de David Trueba. Yá a les 20 va ser la mesa redonda "Delincuencia de moqueta versus delincuencia de metralleta", con Selva Orejón, Ricardo Gómez de Olarte y José Rogelio Grajal.

A les 20.35 hores va haber un alderique sobre "Monte, naturaleza, virtú y deliriu", con Pablo Batalla y Ramón del Castillo. Y a les 21.25 hores preséntase "La familia Franco S.A." de Mariano Sánchez Soler, con Alejandro M. Gallo.

Les actividaes del día de güei pésllense col conciertu de les 22.30 hores a cargu de Silvia Quesada.

Puedes conocer el programa y acutar les entraes gratuites nel enllaz que te llevará al calcar na semeya.