Selmana de los Premios Princesa d'Asturies

La Fundación Princesa d'Asturies ellaboró un ampliu programa d'actividaes culturales por cuenta de la cuadraxésima edición de los Premios Princesa d'Asturies 2020. Los actos van desenvolvese ente'l 8 y el 17 d'ochobre.

Esti programa, que recibe'l nome de "Selmana de los Premios", ta compuestu por 29 actos culturales, dalgunos d'ellos con delles sesiones. Anguaño, por cuenta de les restricciones de movilidá impuestes pola COVID-19, va vese llindada la participación de los galardonaos colos Premios Princesa d'Asturies 2020.

La gran mayoría d'eventos presenciales va tener llugar, de nuevu, na antigua Fábrica d'Armes de La Vega, n'Uviéu, un espaciu qu'axunta les condiciones d'amplitú y ventilación aparentes pa la seguridá de los asistentes. Pela so parte, la programación virtual inclúi alcuentros, recitales poéticos y xuegos de calter lúdicu y divulgativu en nuevos formatos afechos a la realidá de los nuesos díes.
La Selmana de los Premios" entama'l xueves 8 d'ochobre cola inauguración de les instalaciones permanentes y l'espectáculu poéticu musical "Isla Llocura: Cervantes y Shakespeare" en LAFPABRICA. A lo llargo de la selmana, va celebrase una gran variedá d'actividaes.

Tienes tola información calcando na imaxen.