Salman Khan y la Khan Academy Premiu Princesa d' Asturies de Cooperación Internacional 2019

Aconceyáu n'Uviéu'l xuráu del Premiu Princesa d'Asturies de Cooperación Internacional 2019, integráu por Maite Arango García-Urtiaga, Mitchell Codding, Beatriz Domínguez-Gil González, Paula Farias Huanqui, Gloria Fernández-Lomana García, Enrique Fernández-Miranda y Lozana, Duque de Fernández-Miranda, Benita Ferrero-Waldner, Luis García Montero, Emilio Lamo de Espinosa Michels de Champourcin, Daniel López Acuña, Jerónimo López Martínez, Juan Carlos del Olmo Castillejos, Rafael Sánchez Ortega, Luis Sánchez-Merlo Ruiz, presidíu por Gustavo Suárez Pertierra y faciendo de secretaria Rosa María Calaf Solé, decide conceder el Premiu Princesa d'Asturies de Cooperación Internacional 2019 al matemáticu ya inxenieru estadounidense Salman Khan y a la plataforma por él creada, Khan Academy, pol afitamientu d'un formatu orixinal y tresformador qu'ufierta material educativu gratuitu, al traviés d'internet, pa toles edaes, en cualquier llugar del mundu.
Con una visión pedagóxica innovadora, Salman Khan escurrió un proyectu formativu complementariu a partir del so lema "Solo tienes que saber una cosa: puedes aprender cualquier cosa".
Khan Academy, con más de sesenta millones d'usuarios rexistraos en 190 países ufierta, en más de trenta idiomes, exercicios de práctica, videos instructivos y un panel d'aprendizaxe personalizáu, que dexa a los alumnos aprender al so propiu ritmu dientro y fora de l'aula.