Repartu de puntos nel Molinón

Repartu de puntos ente'l Sporting y el R.C.D.Espanyol que-yos sabe a poco a dambos conxuntos.
El primeru n'abrir el marcador sería'l conxuntu pericu por aciu de Dani Embarba a los 12 minutos del alcuentru.
A los 23 minutos sería'l pichichi de la categoría , Djucka, el que fadría la igualada pal Sporting y suma 17 goles na so cuenta particular.
Na segunda metá l'Espanyol foi bien cimeru al Sporting anque nun llegó a furar la portería de Diego Mariño. El Sporting na segunda metá namás tiró una vegada a puerta pol goliador Djucka.
El Sporting vuelve repitir el mesmu horariu'l próximu domingu énte la S.D. Ponferradina a les 16.00 hores nel campu del Toralín,inauguráu'l 5 de setiembre del añu 2000 y que tien una capacidá de 8.432 aficionaos.