Quinta Xornada Clasificatoria XXII Concursu Canción Asturiana de SRA
Celebróse la quinta xornada clasificatoria del XXII Concursu de Canción Asturiana de Samartín del Rei Aurelio nel Aula Cultural La Plaza'l vienres 7 de febreru, onde participaron catorce cantaores acompañaos pol gaiteru oficial Ramón García.
Entamó la presentación el componente de Radio San Martín Lluis Alberto Martín Ardines ,tando de xuráu Carlos Ronderos y Arsenio Fernández -Nespral.
Na categoría absoluta, Álvaro Fernández Conde, de Cantabria,interpretó "Soi pastor" y "Facer un horru" a la gaita , además de "Viva la xente minera" nel apartáu canción minera . Arturo Cortina Suárez, de L' Entregu, interpretó "Arrea carreteru" y "Cuando Dios fixo la vida" a la gaita. Manuel Fernández Pendás, de Corvera, cantó a la gaita "Pa castañes, Tremañes" y "A vivir a la montaña". La yerbata Alicia Villanueva Megido interpretó "Toca la gaita, gaiteru" a la gaita y l' allerana "La zagalina".La llavianesa Maribel González Morán cantó a la gaita "Tienes casa y tienes horru" y "Arboleda bien plantada".
N' aficionaos, Mari Carmen Fernández Álvarez, de Cangas del Narcea, interpretó a la gaita "Adiós al valle de Viango" y "Non sé que siento mio Asturies", y "Antes, madre, los mineros" nel apartáu de canción minera. Tamién de Cangas del Narcea, Alicia Fernández Martínez, interpretó "Carretera de Colloto" a la gaita, "Ónde vas madrugaora" y "Madre, qué pena me da" en canción minera; el tamién cangués Antonio Álvarez "Chicote", cantó "Cuando vienes d'arrendar" y "Tengo de cortar un roble". Juan Martín Caso, de Suarias, interpretó "Los cuatro mozos d'un pueblu", "Molino propio", y "La carbonera" en canción minera. El llavianés Manuel González "El Tordu" cantó "Tres vueltes-y di al sombreru" , "Baxaba Barrial de Casu", y en canción minera "Dentro de la negra mina".
Enrique Peláez Antuña, de Soto de Llorío , interpretó "La fiesta de les piragües" , "De la Virxen del Carbayu" y en canción minera "La Pipiona". La tamién llavianesa Talía Noriega interpretó "Soi de Pravia" y "Al pasar pol puertu".
En menores de 18 años, la llangreana Iratxe Espina Fueyo interpretó "La cabraliega" y "Onde la neblina posa". Na categoría infantil el llavianés Rubén Álvarez González interpretó "Soi mineru llangreanu" y "Hermosa villa de Mieres" a la gaita.