Primer derrota del Uviéu nel estadiu NMR Carlos Tartiere

Primer derrota del Real Oviedo frente al RCD Espanyol, en que l'equipu visitante aprovechóse de dos fallos defensivos.
Primero foi un penalti de Viti sobre Pedrosa cuando intentaba controlar un balón dientro de l'área.Y sería l'ariete visitante Raúl de Tomás el que marcaría'l máximu castigu. Siete minutos más tarde sería'l mesmu protagonista, Raúl de Tomás , el que s'aprovecha d'un fallu del defensa Arribas al intentar dexar el balón tras.
La primer metá desendolcóse ensin ocasiones pa dambos equipos anque xugóse con muncha intensidá y muncha rapidez. Nel primer tiempu l'equipu uvieín reclamó una posible mano dientro de l'área visitante.
Viti tuvo oportunidá de marcar nel segundu tiempu pero'l disparu foi rasu y cruciáu , que Diego López atayó perbién.
A pesar de los dos goles en contra'l Real Oviedo nunca baxó la guardia énte l'Espanyol, llantando cara hasta'l final pero ensin consiguir el gol.Con esti resultáu quédase colos dos puntos consiguíos en trés xornaes y una delicada posición clasificatoria.
El próximu compromisu del equipu carbayón va ser l'Albacete Balompié, actual colista de la Lliga SmartBank .

Calcando na imaxen atoparás más información sobre'l Real Oviedo.