Primer Semifinal del XXII Concursu Canción Asturiana de SRA
El Teatru de l'Entregu acoyó la primer semifinal del XXII Concurso de Canción Asturiana de San Martín del Rei Aurelio empobináu pola Asociación de la Canción y Folklor Valle del Nalón, col patrociniu del Ayuntamientu de Samartín del Rei Aurelio, SOMA-FITAG-UGT, Caja Rural de Asturias y la collaboración de La Nueva España, Radio San Martín y dellos establecimientos comerciales.
Entamaron la xornada'l gaiteru oficial del concursu, Ramón García, acompañáu al tambor por Belarmino González. El músicu David López acompañó a dellos concursantes qu' elixeron canciones al pianu.
Presentó la xornada'l componente de Radio San Martín Lluis Alberto M. Ardines, ante l'atenta mirada del xuráu formáu por Carlos Ronderos y Arsenio Fernández-Nespral.
Na categoría infantil participó la llavianesa Irene Álvarez Hevia cola vaqueira "La vaqueirada de Riosa" con pandereta y "Anque soi tan piquiñina".
En menores de dieciocho años, Ainoha Fernández, de Blimea, interpretó la vaqueira "Soi una vaqueirina" con panderu y "Anda y señálame un sitio" a la gaita.
N' aficionaes, Reyes Menéndez Rubio, de Tinéu, interpretó "A les andeches" a la gaita y "Al pasar pel puertu" al pianu.
N' aficionaos, Manuel Menéndez Menéndez, de Cangas del Narcea, cantó "Xunce les vaques, Ramona" y "Si quieres que te cortexe", además de "Viva la xente minera" nel apartáu canción minera. El xixonés Roberto Pérez Blanco, interpretó"Piqué al candao" a la gaita, "Pasé'l puertu de Payares" al pianu, "Torna la gocha" al pianu pal premiu especial y "Viva la xente minera" en canción minera. José Martínez Álvarez de Grao cantó "Dicen que tú y yo, morena" a la gaita, y "Texeora de Bayu" al pianu. Guzmán González Gutiérrez de Llugones, interpretó a la gaita "Cuando vienes d'arrendar" y "L'aire m'apagó la vela".
Na categoría absoluta femenina, Marina López Toraño, interpretó a la gaita "Recuerdos del valle de Viango", "Tienes casa y tienes horru", y "Canción de Arrieros" al pianu pal premiu especial. La yerbata Alicia Villanueva Megido interpretó "Carretera de Colloto" a la gaita y "Ónde vas madrugaora".
N' absoluta masculina, el maliayés Rubén Barredo Sánchez cantó "D'alpargates y orbayando" y "Cuando la máquina va". El mierense Javier Toral Fernández interpretó a la gaita "Cuando Dios fixo la vida" y "Pa castañes, Tremañeslas. L'ayeranu Ángel Fernández Morán, interpretó a la gaita "Ya nun vuelvo más a Granda" y "Playina la de Xixón". Y Valentín García Fernández de Grao interpretó "Los xatiquinos" y "Arrea carreteru".