Primer empate del Sporting de Xixón nel Estadiu Municipal El Molinón-Enrique Castro "Quini"

Primer empate del Sporting de Xixón nel Estadiu Municipal El Molinón-Enrique Castro "Quini" ante'l C.D. Tenerife por 1---1, nel que l'equipu local presentóse con siete canteranos frente a l'equipu visitante.
Nun foi'l meyor partíu de los locales onde'l Tenerife tuvo meyor y tuvo mayor dominiu territorial , con muncha posesión de balón y onde al Sporting costába-y llegar a la portería rival,tando parcu n'ataque ensin crear apenes peligru.
Foi Suso el xugador del Tenerife'l qu'a los 8 minutos con un disparu cruzáu que se va fora empezaría metiendo presión , al que respondió un disparu de Pablo Díaz que s'estrella na barrera.
Sería'l mesmu Pedro Díaz quien abriría'l marcador a los 65 minutos tres un pase de Nacho Méndez,cuando más dominiu tenía l'equipu visitante.
Tou paecía que'l Sporting diba sumar una nueva victoria nel Molinón pero nel minutu 84 llegaría'l gol del empate. Con un pase de Pomares a Zarfino que llegaría al fondu de la portería.
Nel tiempu añedíu sería otra vegada Mariño el salvador del Sporting, tres una cabezada de Sipcic a bocaxarru que Mariño unvia a córner percima del llargueru.
El Sporting caltiense segundu empatáu col Espanyol que ye primeru, dambos tienen 13 puntos .
Nesta ocasión va haber xornada de LaLliga SmartBank durante la selmana.El Sporting viaxa hasta Málaga pa xugar el xueves 22 nun partíu que va ser retresmitíu por Gol Tv n'abiertu,a partir de les 9.30 de la nueche.