PRIMAVERA I, conciertos de la OSPA

La Orquesta Sinfónica del Principáu d'Asturies (OSPA) retoma esta selmana la so actividá sinfónica cola inauguración de la so Temporada Primavera, títulu que va allugar tola programación de la orquesta asturiana del próximu trimestre n'Uviéu, Xixón y Avilés.

Primavera I va llegar la próxima selmana a Xixón y Uviéu, dirixida por Roman Simovic, col siguiente programa:

· Mendelssohn, Sinfonía n.14 na mayor, op. 90, "Italiana"
· Prokofiev, Conciertu pa violín n.º 2 en sol menor, op. 63

El director y violinista ucranianu Roman Simovic va ser l'encargáu de dirixir el primer programa nel Teatru Xovellanos (08.04 | 19:30 h) y l'Auditoriu Príncipe Felipe (09.04 | 19:00 h). Tres Roman Simovic, pola Temporada Primavera de la OSPA van pasar les violinistes Akiko Kuwanai y Sayaka Sohji, el chelista Daniel Müller-Schott, y los pianistes Simon Trpceski y l'asturiana Noelia Rodiles, que va ufiertar al públicu la Partita n.º 4 "Movimientu sinfónicu para pianu y orquesta" d' Orbón.

Tocantes a los directores, nomes yá conocíos del públicu asturianu como Nuno Coelho y Pablo Rus Broseta y directores como Corinna Niemeyer y Dalia Stavevska. Va Cerrar la temporada'l chilenu Paolo Bortolameolli.

Cumpliendo la normativa de seguridá vixente, los aforos d'estos conciertos van tar amenorgaos pa caltener la distancia social. Al igual que les temporaes de Seronda y Iviernu, el preciu de los conciertos de Primavera tienen un preciu bien distintu del habitual de los conciertos d'abonu: 15 € (patiu y delantrera d' entresuelu) y 10 € (anfiteatru y entresuelu) y 9 € (xeneral, namás en Xixón).

Calca na imaxen pa sacar les entraes y consultar tola programación.