Presentación “Diario de Vida” de la Fundación Sandra Ibarra n’Uviéu

La Fundación Sandra Ibarra, organización ensin ánimu d'arriquecimientu dedicada al financiamientu de proyectos d'investigación y impulsora de campañes de sensibilización frente al cáncer, presenta'l próximu martes 5 d'avientu n'Uviéu'l so llibru "Diariu de Vida", un proyectu que recueye'l testimoniu de 27 supervivientes de cáncer.

Tres la so presentación en ciudaes como Madrid o Barcelona, la siguiente parada d'esti emotivu viaxe va tener llugar n'Uviéu."Diariu de Vida", escritu pol periodista Juan Ramón Lucas, recueye les vivencies y esperiencies "optimistes y esperanzadores", de delles persones. Les sos narraciones, "llenes de dolor, firmeza y entusiasmu", sirven d'exemplu a quien pasen güei por onde ellos pasaron, siendo amás "un estímulu".

Pa la presidenta de la Fundación, Sandra Ibarra, "vivir y escuchar les hestories de los pacientes reconcilia col ser humanu, tan capaz de lo meyor y lo peor. Fai vivir mil vides n'una y amplificar la que tenemos".

La presentación tendrá llugar nel Club Prensa Asturiana de La Nueva España'l martes 5 d'avientu a les 20:00 hores.