Presentación del llibru "Obra periodística de Leopoldo Alas Argüelles (1883-1937)"

El rector de la Universidá d'Uviéu, Santiago García Granda, va presidir el xueves, 22 de febreru, a les 19 hores, nel Aula Magna del Edificiu Históricu (Uviéu), la presentación del llibru "Obra periodística de Leopoldo Alas Argüelles (1883-1937)". El Rector va tar acompañáu pol alcalde del Conceyu d'Uviéu, Wenceslado López; el director xeneral del Sabadell Herrero, Pablo Junceda; l'editor de la obra, y patronu d'honor de la Fundación Valdés-Salas, Joaquín Ocampo Suárez-Valdés; y el catedráticu de Derechu Alministrativu y nietu del rector Alas, Leopoldo Tolivar Alas.

Como se diz na sinopsis del volume, amás de los sos trabayos académicos, el rector Alas "desendolcó una intensu llabor nos medios de comunicación de mayor espardimientu nacional -El País, El Sol, El Progreso, El Radical, El Socialista, L'Aurora Social, Nosotros, España...-, nos que compartió espaciu con intelectuales y políticos de la talla de Pérez de Ayala, Antonio Machado, Unamuno, Ortega, Baroja, Besteiro o Pablo Iglesias. Esti volume recueye esa obra periodística, acompañada d'un estudiu preliminar y d'una inédita semblanza biográfica".