Premiu Pueblu Exemplar d’Asturies 2018: Mual, Cangas del Narcea

Aconceyáu n'Uviéu'l xuráu del Premiu al Pueblu Exemplar d'Asturies 2018, integráu por Xuacu Amieva Celorio, Fernando Beltrán Fernández, Felipe Fernández García, Rosa Fernández Rubio, Alberto González Menéndez, Jaime Izquierdo Vallina, Cristina Jerez Prado, Marta Magadán Díaz, Emilio Marcos Vallaure, Juan José Menéndez García, Pedro Ortea Tugnoli, Marta Pérez Pérez, Ramón Rodríguez Álvarez, Mario Suárez Porras, José Tuñón Huerta, Etelvino Vázquez Pérez, Antonio Virgili Rodríguez, presidíu por Francisco Rodríguez García y faciendo de secretariu Adolfo García Martínez , alcuerda conceder el Premiu al Pueblu Exemplar d'Asturies 2018 a Mual (Cangas), por caltener a lo llargo de la hestoria una convivencia exemplar cola so redolada natural, desenvolviendo un papel de protección y caltenimientu reflexáu na recuperación, yá dende'l sieglu XIX, del monte de Mual. Estos antecedentes asítiense nuna posición privilexada para asumir el protagonismu dende la comunidá local na recuperación de los recursos naturales, lo qu'ufierta una oportunidá pa corresponsabilizarse na xestión del patrimoniu natural de la redolada.
Estos llogros consiguinse dende dientro del propiu pueblu al traviés d'una dinámica d'integración interxeneracional na que tienen un gran protagonismu l'Asociación Cultural, la Deportiva y, bien en particular, l'Asociación de Muyeres.