Premiu Princesa d' Asturies de los Deportes 2020,Carlos Sainz

El xuráu del Premiu Princesa d' Asturies de los Deportes 2020, formáu por Alejandro Blanco Bravo, Alberto Borregán Rodríguez, Vicente del Bosque González, Miguel Carballeda Piñeiro, Carlos Carpio Rodríguez, María Paz Corominas Guerin, Ernest Folch i Folch, Joaquín Folch-Rusiñol Corachán, Vicente Jiménez Navas, Joan Llaneras Roselló, Sylvana Mestre Alexandre, Santiago Nolla Zayas, Edurne Pasabán Lizarribar, Paloma del Río Cañadas, Juan Antonio Samaranch Salisachs, Sitapha Savané Sagna y Alberto Suárez Laso, presidido por Abel Antón Rodrigo y faciendo de secretaria Theresa Zabell Lucas, concedió'l Premiu Princesa d' Asturies de los Deportes 2020 a Carlos Sainz Cenamor pola so trayectoria como pilotu, nuna carrera espléndida, diversa ya innovadora a lo llargo de más de tres décades na élite.

Sainz foi elexíu'l meyor pilotu de rallies de tolos tiempos. Algamando en dos ocasiones el mundial y tres vegaes el Dakar, siendo 'l deportista más veteranu en conseguilo, a la edá de 57 años. El carismáticu pilotu español dexó constancia siempre d' un gran espíritu de superación y competitivu, combináu col esfuerzu, la disciplina y la solidaridá, reflexáu tamién nel so constante apoyu a xóvenes pilotos a lo llargo de la so dilatada y exitosa vida deportiva.