Premiu Princesa d' Asturies de les Lletres,Anne Carson,

La escritora canadiense Anne Carson foi galardonada col Premiu Princesa d' Asturies de les Lletres 2020.El xuráu tuvo presidíu por Santiago Muñoz Machado y formáu por Xuan Bello Fernández, Anna Caballé Masforroll, Gonzalo Celorio Blasco, José Luis García Delgado, Jordi Gracia García, Lola Larumbe Doral, Antonio Lucas Herrero, Carmen Millán Grajales, Rosa Navarro Durán, Laura Revuelta Sanjurjo, Carmen Riera Guilera, Iker Seisdedos García, Jaime Siles Ruiz, Diana Sorensen, Sergio Vila-Sanjuán Robert faciendo de secretariu Fernando Rodríguez Lafuente .

Esta candidatura propúsola  José Antonio Pascual Rodríguez, miembru de la Real Academia Española.

Anne Carson (Toronto, Canadá, 21 de xunu de 1950), profesora de Lliteratura Clásica y Comparada de la Universidá de Míchigan, ye una reconocía poeta, ensayista y traductora. Una edición billingüe de los sos poemes de Safo qu'atopó nuna llibrería cambió pa siempre la so vida: «La visión de les dos páxines yuxtapuestes, una d' elles un textu impenetrable, pero de gran belleza visual, cautivóme y compré 'l llibru». Abandonó por dos vegaes los estudios na Universidá de Toronto.

Dempués de dedicase durante un tiempu a trabayar nes artes gráfiques, acabó los sos estudios en St. Andrews (Escocia), onde en 1986 se doctoró con una tesis sobre Safo.

Especialista na cultura y les llingües clásiques y en lliteratura comparada, antropoloxía, hestoria y publicidá, Carson ye, a xuiciu de la crítica, una de les escritores más exquisites y erudites de la lliteratura contemporánea, además d' autora d' una obra na que fusiona estilos, referencies y formatos, y apuesta polo híbrido ente lo grecolatino, lo medieval y lo contemporáneo.