Premios FETEN 2020
La obra 'Lú', de la compañía Maduixa, algamó esti vienres el Premiu al Meyor Espectáculu de la Feria Europea d' Artes Escéniques pa Neños y Neñes FETEN 2020.
El xuráu d' esta edición tuvo formáu por Antonio Jesús Navajas (Red Española de Teatros, Auditorios, Circuitos y Festivales de Titularidad Pública), Noelia Fernández Sáez (Asociación TE VEO de teatro para niños y niñas), Alicia Garijo Castelló, (ASSITEJ España), Miguel Angel Ortega Díaz , (Cultural Albacete), y Pilar Alcalde Liebana, (Red Española de Teatros, Auditorios, Circuitos y Festivales de Titularidad Pública).
Tamién formaben parte d'él: Alfredo Mantovani, en representación de Proexdra, Gerardo Ayo, espertu n'artes escéniques y xestión cultural; María Sánchez López (Cultural Albacete); Lola Atance, festival Titirimundi; Cristina Santolaria, espertu n' artes escéniques y xestión cultural; Rosa Díaz, direutora ya interprete de la cía La Rous y Elena Reales Reales que fixo de secretaria).
El Premiu al Meyor Espectáculu de Nueche foi pa la compañía David Vento Dance Theater, pol so espectáculu 'Neanderthal', mientres que 'l de Meyor Espectáculu de Cai foi pa la compañía Might y Jambo, pol so espectáculu 'El Cazador'.
El Premiu Feten 2020 al Meyor Espectáculu 'nos visitan', foi pa la compañía El Cuarto Azul, pol so espectáculu 'Mi amigo Polo'.
Tamién consiguió'l Premiu a la Meyor Música la compañía Markeliñe, pol espectáculu 'Crusoe', mientres que 'l Premiu Meyor caracterización, ambientación y vestuariu foi pa la compañía 'La Maquiné', pol espectáculu 'Acróbata y Arlequín'.
El Premiu al Meyor Espaciu Escénicu algamólu la compañía Marie de Jongh, pol espectáculu 'Ikimilikiliklik'(Mi pequeña).
El xuráu concedió'l Premiu pola so Propuesta orixinal pa la sensibilización medioambiental, a la compañía La Negra, pol espectáculu 'Nautilus. 20.000 leguas de viaje submarino'.
Concediéronse otros premios , como'l de Meyor propuesta d' un clásicu, a la compañía La Cánica, pol so espectáculu "Orfeo y Eurídice"; Meyor interpretación, a Maite Bayon, de la compañía Teatro Paraíso, pol so espectáculu "ÚniKo"; Meyor autoría, a la compañía El Patio Teatro, pol so espectáculo "Conservando Memoria" y a la compañía Pata Teatro, pol so espectáculu "Debajo del tejado"; y Meyor espectáculu de títeres y oxetos, a la compañía Periferia Teatro, pol so espectáculu "Nube Nube".
El Premiu Feten 2020 al Meyor Espectáculu de Primera Infancia foi pa la compañía Inspira Teatre, pol so espectáculu "KL'AA, tu canción", y el de la Meyor direición, a José C. García, de la compañía Teatro Gorakada, pol espectáculu "Pinocchio".