Entrega premios del I Concursu de microrrellatos en Twitter «Selmana de les Lletres Asturianes na FSA-PSOE».

Esti miércoles 2 de mayu tuvo llugar la entrega premios del I Concursu de microrrellatos en Twitter "Selmana de les Lletres Asturianes" na sede de la FSA-PSOE n'Uviéu , nun prestosu y entreteníu actu lliterariu guiáu por Mariluz Pontón y presidíu pol Secretariu Xeneral, Adrián Barbón  y la secretaria d'Organización, Gimena LLamedo,acompañaos de la veterana socialista Maricuela.

El xuráu, compuestu por Esther Prieto, Inaciu Galán, Miguel Barrero y Mariluz Pontón , dempués de valorar los microrellatos, alcordó conceder el primer premiu a Xurde Menéndez Caravia, de Quintes (Villaviciosa). Esther Martínez, de Santullano (Les Regueres) ganó'l segundu premiu y Nacho Fonseca recibió'l tercer premiu del concursu. Toos ellos recibieron un llote de llibros n'asturianu.

Amás de los tres primeros premios, el xuráu elixó como finalistes a  Marcos Salazar Lobato, César González Herrerías, Xosé Ramón Martín Ardines, Xuan Calros Pérez Corsino, Rosa María Rodríguez González, Jose Suárez Arias-Cachero ya Iván Gutiérrez Diego.

Tolos concursantes unviaron ente'l 18 y el 28 d'abril los sos microrellatos, de tema llibre, anque según les regles del concursu teníen que ciñise a los 280 carauteres permitíos en Twitter, incluyíu'l hashtag.