Premios de l'Asociación d'Escritores d'Asturies
El vienres 19 de xineru a les 19,30 l' Aula Magna de la Universidá d'Uviéu acueye l'actu d'entrega de Premios de la Crítica y de les Lletres 2017 concedíos pola Asociación d'Escritores d'Asturies .
El pasáu mes de setiembre, la Xunta Direutiva de l'Asociación d'Escritores d'Asturies, alcordaba por unanimidá conceder el Premiu de les Lletres, a títulu póstumu, a Mariano Aries Páramo, que morrió nel pasáu mes de mayu. Doctor en filosofía, ensayista, novelista y fotógrafu. Valoróse la calidá de la so obra , compuesta por numberoses y variaes publicaciones, teniendo nel so haber dellos premios ente los que destaca'l Premiu Junan Rulfo de relatos en 1992. Foi finalista del Premiu Nadal de novela nel 1991. Ye autor de numberosos trabayos de calter filosóficu, antropolóxicu, políticu y lliterariu.
Nel mes d'avientu,los díes 9 y 13, falláronse los premios de la Crítica de poesía y de narrativa.
Premiu de la Crítica. Modalidá POESÍA N'ASTURIANU:
El Xuráu alcuerda por unanimidá conceder el Premiu de la crítica de poesía n'asturianu a ELIAS VEIGA, pol so poemariu: LA CASA (TRABE).
El xuráu tuvo formáu polos escritores:
Lourdes Álvarez Fernández, Isabel Marina Valdés y Xuan Xosé Sánchez Vicente. actuando como secretariu Agustín Alonso Biscayar. Conceden el premiu por unanimidá.
Premiu de la Crítica. Modalidá NARRATIVA:
• PREMIU DE LA CRÍTICA: NARRATIVA N'ASTURIANU. El xuráu alcuerda, por unanimidá, conceder el Primeru de la crítica narrativa a la novela, n'asturianu, titulada:"AGUA D' AGOSTU", ( Hoja de Lata), del periodista xixonés, escritor y traductor lliterariu FRANCISCO ALVAREZ.
• PREMIU DE LA CRÍTICA: NARRATIVA EN CASTELLÁN, por unanimidá, el xuráu alcuerda otorgar el premiu de la crítica narrativa, en castellán, a la novela titulada "EL OJO VAGO" (Pez de Plata) del escritor asturianu XANDRO FERNÁNDEZ.
El xuráu tuvo formáu por Mirta Chamoro, escritora, Vicente García Oliva, escritor y Xosé Ramón Iglesias Cueva, catedráticu de Lliteratura, faciendo de secretariu del xuráu José Marcelino García Fdez. Lluanco.