Premiu de Novela Café Gijón Antonio Fontana con Hasta aquí hemos llegado

El xuráu del Premiu de Novela Café Gijón, compuestu por Mercedes Monmany, Rosa Regàs, Antonio Colinas, Marcos Giralt Torrente y José María Guelbenzu , en calidá de presidente, decidió conceder el galardón a la novela Hasta aquí hemos llegado, d'Antonio Fontana.Nel so fallu, el xuráu destacó dos cualidaes fundamentales na obra: "La primera ye que se trata d'una visión tan sutil como insólita de l'ancianidá; la segunda, el riesgu qu'asumió l'autor al crear un conxuntu de voces bien caracterizaes, que ruempen colos estereotipos que más circulen na nuesa sociedá y dan una perspectiva complexa, dinámica y tragicómica de dicha etapa vital".

Antonio Fontana (Málaga, 1964) ye autor de cinco noveles: Sol poniente (Premiu Málaga de Novela 2017), Hostal Parisien, Plano detallado del infierno, El perdón de los pecados (finalista Premiu Café Gijón 2003) y De hombre a hombre.

Llicenciáu en Periodismu, la so trayectoria profesional tuvo amestada al diariu ABC a lo llargo trenta años, diecinueve d'ellos como coordinador de llibros nel suplementu ABC Cultural.

Hasta aquí hemos llegado:
Un grupu de vieyes conviven na residencia Peña Hincada, allugada nun llugar indetermináu de la provincia de Málaga.
Son muyeres a les que'l tiempu váse-yos en rumiar les sos obsesiones y remembrar les vides que dexaron tras. Elles, feministes ensin sabelo, tracen una semeya despiadada de los homes, con grandes dosis d'incorreición y, sobremanera, d'humor negro, nesti modernu Decamerón nel qu'una de les residentes desapaez y otra empéñase en topar el so cadabre.