Pierde'l Sporting col Almería y queda fuera del play-off

El Sporting nun consiguió ganar al Almería y queda fuera de la fase d'ascensu a primera y eso que'l so rival directu, el Rayo Vallecano, perdió en Valleques col Lugo pola mínima, consiguiendo d'esa forma la permanecia l'equipu gallegu.

Dos goles d'Ager Aketxe nel minutu 56 y nel minutu 71 acabaríen col sueñu sportinguista de volver a la división d'honor del fútbol español. Magar una bona temporada en que los de Xixón caltuviéropnse ente los quintos primeros puestos la mayor parte del tiempu, termina la temporada l'equipu roxiblancu nel puestu númeru siete.

Una murnia xornada que deberá dexar pasu al plantegamientu de la temporada venidera na que'l Sporting volverá lluchar por regresar a primera.