Pierde'l Real Oviedo ante l'Albacete Balompié 0-1

Revés del Real Oviedo frente l'Albacete Balompié al perder por 0-1 a pesar de dominar l'alcuentru tanto na primer metá como na segunda.
Gol consiguíu por Zozulya nel minutu doce de la segunda metá en sacando un córner l'equipu manchegu y el delanteru visitante marcar rematando de cabeza.
Na primer metá los uvieinos solamente tuvieron una ocasión clara con un disparu que se va percima del llargueru.
Na segunda metá l'Uviéu llevó'l control del partíu pero ensin poner n'aprietos al porteru visitante.
Ensin dulda ye'l peor partíu del Real Oviedo frente l'Albacete ,l'equipu entrenáu pol xixonés Alejandro Fernández supo rentabilizar la ocasión que tuvo.
Tres la llegada del entrenador asturianu al equipu manchegu suman cuatro victories y un empate.
Colo que respecta al Real Oviedo no que llevamos d'añu inda nun s'estrenó con victoria l'equipu de Ziganda
El próximu sábadu a les 16.00 la tarde va tener llugar l'alcuentru Cartagena-Real Oviedo nel Estadiu Municipal Cartagonova.