Pierde 'l Sporting en Gran Canaria

Cara y cruz del Sporting nel estadiu Gran Canaria énte la U.D.Las Palmas, onde l'equipu xixonés na primer parte del partíu mostró la cara al ponese per delantre del marcador con dos goles de Djuka , el primeru seria de penalti per derribu del porteru local Alex Domiguez .Y sería el mesmu Djuka quien tresformaría'l máximu castigu.
La U.D. Les Palmes apenes ponía en peligru la portería de Diego Mariño,el segundu gol llegaría nel minutu 32, volviendo a ser Djuka l'autor del segundu tantu.Anque hubo que consultar el VAR por posible fora de xuegu.
Pero tres la consulta'l delanteru sportingista taba en posición correcta y el gol xubió al marcador.
Tres el descansu apaeció la cruz pa un Sporting totalmente desdibuxáu al de la primer metá. L'equipu local empezó a ser superior controlando'l centru del campu, unviando balones en llargu y con mayor dominiu territorial.
Asina foi que nel minutu 54 tres un saque d'esquina llegaría'l primer gol de Las Palmas por aciu de Róber González. Dos minutos más tarde sería de nuevu'l xoven canteranu Róber González el que consiguiría l'empate.

A partir d'esi momentu al Sporting costaría-y salir a la contra y notaría 'l cansanciu físicu, encaxando'l tercer tantu nel minutu 83 por mediación d' Edu Espiau.
Con esta victoria alienda l'equipu insular que sale de los puestos de baxo y el Sporting ve escapar la oportunidá d'afitar la so posición nos primeros puestos.
El próximu partíu del equipu roxiblancu va ser el xueves nel Estadiu Municipal El Molinón-Enrique Castro "Quini" onde se va enfrentar al Albacete Balompié a partir de les nueve y media de la nueche.