Peter Brook Premiu Princesa d' Asturies de les Artes 2019

Peter Brook , Premiu Princesa d' Asturies de les Artes 2019

Aconceyáu n'Uviéu'l xuráu del Premiu Princesa d'Asturies de les Artes 2019, integráu por José María Cano de Andrés, María de Corral López-Dóriga, Sergio Gutiérrez Sánchez, José Lladó Fernández-Urrutia, Ara Malikian, Ricardo Martí Fluxá, José María Pou Serra, Sandra Rotondo Urcola, Benedetta Tagliabue y Aarón Zapico Braña, presidíu por Miguel Zugaza Miranda y faciendo de secretaria Catalina Luca de Tena y García-Conde, Marquesa del Valle de Tenade, alcordó conceder el Premiu Princesa d'Asturies de les Artes 2019 al dramaturgu británicu Peter Brook.

Maestru de xeneraciones y consideráu el meyor director teatral del sieglu XX, ye unu de los grandes renovadores de les artes escéniques, con montaxes d'altu compromisu estéticu y social, como fueron nel so día Marat-Sade y Mahabharata. Peter Brook abrió nuevos horizontes a la dramaturxa contemporánea, al contribuyir de manera decisiva al intercambiu de conocencies ente cultures tan estremaes como les d'Europa, África y Asia. Brook sigue emocionando de forma intensa al traviés de puestes n'escena de gran pureza y simplicidá, fiel al so conceutu d'espaciu vacíu".