Pablo López actúa nel Centru Niemeyer col so últimu trabayu: “El mundu y los amantes inocentes”
El malagueñu ta a puntu agotar les entraes pal so conciertu del domingu, 6 de payares, a les 20:00 hores.Solo queden entraes con visual amenorgada, a la venta namás que nes taquilles del Centru Niemeyer y Llaboral Ciudá de la Cultura.
Esti domingu 6 de payares a les 20:00, el músicu Pablo López va presentar al públicu asturianu'l so últimu trabayu: "El mundu y los amantes perdíos". L'artista andaluz consiguió diverses reconocencies con esti segundu trabayu: nominaciones a los Grammy, discos d'oru y dellos númberos unu.
López nun paró de collechar ésitos desque llanzó'l so primer discu "Once histories y un pianu" y col so segundu trabayu llogró asitiase no más alto del pop español, llegando a collaborar con artistes como Jaime Cullum, Alejandro Sanz, Juanes, David Bisbal, Manuel Carrasco, Malú, Tiziano Ferro,Dani Martín, Bustamante o Antonio Orozco.
Los primeros pasos de Pablo López fueron nel programa de televisión Operación Trunfo nel añu 2008, nel que quedó como finalista en segunda posición y col qu'empezó una carrera musical enllena munchos ésitos. Ente otros, Pablo López algamó'l Discu d'Oru col so primer álbum y una nominación a los Grammy llatinos.
Amás de consiguir premios y reconocencia pol so primer discu "Once histories y un pianu", con esti segundu trabayu, col que llega al Centru Niemeyer, llogró un Doble Discu d'Oru n'España, un Discu d'Oru Dixital pol tema a dúu con Juanes "El to enemigu" y la doble nominación nos Latin Grammy.
En 2014 el malagueñu grabó les temes d'esti nuevu discu nos prestixosos estudios East West de L.A. y Miami, según Madrid y Barcelona, con Andrés Saavedra como inxenieru de soníu, Kim Fanlo como productor y Max Miglin dende'l so estudiu en Madrid col meyor resultáu: un discu apináu de grandes ésitos y cantares con sentimientu nes qu'amuesa la so meyor faceta como compositor.
El so primera single, "El mundu", estrenáralu nel programa de televisión La Voz y en poco tiempu pasó a ser númberu unu na llista oficial de vientes n'España y en iTunes mientres 5 díes consecutivos, amás d'entrar direutu na Playlist de Los 50 + virales n'España en Spotify.
El videoclip oficial del tema estrenóse simultáneamente col llanzamientu y sumó 1.500.000 visites en solo un par de meses con otru premiu más al Videoclip del Añu en VEVO España.
Les localidaes restantes pa esti conciertu, de visual amenorgada, pueden adquirise namá nes recepciones del Centru Niemeyer y de Llaboral Ciudá de la Cultura.