Orlando Pelayo, esiliu y memoria. Conferencia de Javier Barón nel Muséu Belles Artes d'Asturies

El Muséu Belles Artes d'Asturies acueye esti xueves 3 de setiembre la última conferencia del cuatrimestre a cargu de Javier Barón Thaidgsman dedicada al artista Orlando Pelayo, a quien la pinacoteca asturiana dedíca-y la esposición titulada Orlando Pelayo: esiliu y memoria.

Javier Barón ye dende l'añu 2014 Xefe de Conservación de Pintura del Sieglu XIX del Muséu Nacional del Prado, nel que foi nomáu Xefe de Departamentu en 2003. Doctoráu n'Hestoria del Arte en 1989 con premiu estraordinariu pola Universidá d'Uviéu, onde amás foi profesor, llogró en 1990 el Premiu d' Investigación Juan Uría.