Nuevu empate del Real Oviedo

El Real Oviedo suma un puntu repitiendo empate en Santo Domingo. Un tantu que-y sirve pa mantenese na parte media de la tabla pero non pa tener otres aspiraciones.

Adelantóse l'Alcorcón col gol de Nwakali al minutu d'entamar l'alcuentru , un derechazu con rosca que nun pudo parar Femenías.

Nel minutu 40, Obeng anotó pal Real Oviedo, pero l'árbitru, en revisando nel VAR, anuló'l gol por fora de xuegu , llegando al descansu col 1-0.

Tres una bona xugada per banda de Johannesson, Javi Mier punxo un balón al interior de l' área, que Blanco Leschuk remató pa poner l'empate nel marcador. Nos últimos minutos del alcuentru, col Real Oviedo metíu nel ataque, Javi Mier tuvo una clara ocasión, que por unos centímetros nun llegó a rematar.

El Real Oviedo prepárase pal so próximu compromisu frente al Castellón,el sábadu  a les 18:15 hores.