Nueche blanca n'Uviéu

El sábadu 6 d'ochobre delles cais y equipamientos d'Uviéu conviértense nuna gran fiesta cultural.
La capital asturiana va acoyer 58 actividaes en 46 localizaciones na sesta edición de la so Nueche Blanca entamada pola Fundación Municipal de Cultura del Conceyu d'Uviéu y coordinada por José Castellano.
La Nueche Blanca nació en Paris nel añu 2002 col fin de fomentar el desenvolvimientu d'una programación cultural de vanguardia.Cola Nueche Blanca uvieina preténdese que quienes s'averen a la capital vivan la ciudá d'una manera distinta per una nueche, averándo-yos la creación artística contemporánea, con un especial apueste pola vanguardia internacional, con actividaes como Archifo VI, Western Flag, People Like Us y pieces audiovisuales de Reynold Reynolds. Los teatros Campoamor y Filarmónica, l'Auditoriu Príncipe Felipe, la Fábrica d'Armes, la Catedral o la Basílica de San Juan el Real son dalgunes de les 46 localizaciones de la ciudá que van acoyer les 58 actividaes que engloba la Nueche Blanca 2018, qu'entamará a les 17:00 hores y pesllará a les 03:00.
Dalgunes de les actividaes de la Nueche Blanca precisen inscripción previa. Información
completa atópase na páxina www.nocheblanca.es.